Fyrir upplýsingar um Kórónaveiruna, sjá www.covid.is

Í ljósi frétta af auknu heimilisofbeldi, aukinni vanrækslu, misbeitingu og ofbeldi gagnvart börnum og aukinnar neyslu áfengis- og vímuefna er ljóst að skuggi kórónu faraldursins snertir fleiri fleti en veikindi og dauða vegna sjúkdómsins Covid 19.

Því er mikilvægt að við sem samfélag stöndum saman og tökumst á við allar þær afleiðingar sem þessi erfiði tími hefur í för með sér. Til þess að auðvelda fólki leiðina að gagnlegri aðstoð, hver sem vandinn er, höfum við ákveðið að lista upp nokkur úrræði. Listinn mun þannig verða einskonar hjálpartæki þeirra sem á þurfa að halda.

Ýmsar áttir

“Það getur verið að þú sért stundum eina manneskjan í heiminum, en þú ert líka ef til vill allur heimurinn fyrir eina manneskju.”

Ef þú ert að takast á við erfiðleika gagnvart eigin drykkju, lyfjanotkun eða vímuefnaneyslu þá er neyðarsími AA opinn!

Neyðarsími höfuðborgarsvæðisins: 895-1050 – Neyðarsími Reykjanes: 777-5504 – Neyðarsíminn á Akureyri: 849-4012

AA samtökin er félagsskapur þeirra sem samhæfa reynslu sína, styrk og vonir. Inntöku eða félagsgjöld eru engin.

Á meðan á samkomubanni, sóttkví og einangrun vegna Covid 19 stendur er hægt að finna fjölmarga fundi á netinu.

Hægt er að kynna sér málið betur með því að fara inn á www.aa.is

“Vináttan veitir gleði og styrk. Að lifa í kærleika er mesta hamingja sem við fáum notið.”

Ef þú hefur áhyggjur eða líður illa vegna drykkju, lyfjanotkunar eða vímuefnaneyslu annarra. Getur Al-anon hjálpað.

Neyðarsími alanon deildarinnar „Stattu með þér“ er: 768-7888

Um er að ræða félagsskap þeirra sem hafa orðið fyrir áhrifum af drykkju eða neyslu annarra. Á fundum getur viðkomandi hitt aðra sem eru að takast á við sömu eða svipuð vandamál. Inntöku eða félagsgjöld eru engin.

Á meðan á samkomubanni, sóttkví og einangrun vegna Covid 19 stendur er hægt að finna fjölmarga fundi á netinu.

Hægt er að kynna sér málið betur með því að fara inn á www.al-anon.is

“Leitaðu að einhverju fögru og þú munt finna það. Það er aldrei langt undan.” – Sara Teasdale

Ef þú ert í sorg, hefur misst einhvern nákominn, er áhyggjufull(ur), kvíðin(n), reið(ur), í uppnámi, eða hefur misst vinnuna, ert í skertu starfshlutfalli, eða ert að fást við erfiðleika vegna óvissu og óöryggis og/eða ert í mikilli krísu getur þú nýtt þér netspjall netkirkju.

Netspjallið er vettvangur þar sem fólk getur komið án þess að gefa upp nafn, símanúmer eða netpóst, viðkomandi getur sest niður með síma eða tölvu og átt samtal í trúnaði (án þess að í þeim heyrist t.d. heima fyrir ef um heimilisofbeldi er að ræða).

þannig getur þú sagt frá líðan þinni og kringumstæðum og fengið sálrænan stuðning og aðstoð.

Til þess að nota úrræðið þarf að fara inn á netkirkja.is og velja þar valmöguleikann „tengjast netpresti“.

Á síðunni má finna upplýsingar um vaktir netpresta.

“Kærleikurinn er sterkasta aflið sem til er í heiminum og þó jafnframt hið hógværasta sem unnt er að hugsa sér.” – Mahatma Gandhi

Forsíða

Um okkur

Gjaldskrá

Lög og reglugerðir

Fundargerðir

Bílaflotinn

Viðbrögð við jarðskjálfta

Almennar forvarnir

Eldvarnir í fjölbýli/sérbýli

Viðbrögð við vá

Gróðureldar

Skoðanaáætlun

Slökkvitækjaþjónusta

Nám slökkviliðsmanna

Nám hlutastarfandi

Nám eldvarnaeftirlit

Löggilding

Kennslugögn v/fornáms

Umsókn

Starfsmannafélag

Brunavarnir Árnessýslu
Árvegi 1. 800 Selfoss
Sími 4-800-900
ba@babubabu.is