20.03.2020. Árekstur tveggja bíla á Eyrabakkavegi

Árekstur tveggja bíla varð á gatnamótum Eyrabakkavegar og Álfstéttar við Eryabakka rétt fyrir klukkan tíu í morgun.

Við áreksturinn valt önnur bifreiðin á toppinn. Ekki þurfti að beita klippibúnaði Brunavarna Árnessýslu til þess að koma fólki út úr bílunum en loka þurfti veginum um tíma til þess að hreinsa brak og olíu af veginum.

Þrír voru fluttir með sjúkrabílum á Heilbrigðisstofnun Suðurlands til skoðunar.