25 september, hófst svo kallað “námskeið 4” hjá Brunavörnum Árnessýslu á vegum Brunamálaskóla Húsnæðis- og mannvirkjastofnunar. Námskeiðið er það síðasta í fjögurra námskeiða röð sem hlutastarfandi slökkviliðsmenn þurfa að taka.

Á þessu námskeiði er fjallað um eiturefni, sérstakar hættur, flugvélaelda og almannavarnir. Námskeiðið mun standa frá í dag föstudag, og út sunnudaginn.

Leiðbeinendur í dag eru þau Elísabet Pálmadóttir og Oddur Hallgrímsson.

Öllum reglum er fylgt hvað sóttvarnir varðar, maskar, spritt og fjarlægðarmörk virt eins og sjá má á meðfylgjandi myndum. Þetta eru óneitanlega sérstakar aðstæður sem heimsbyggðin býr við þessa dagana.