Hætta á gróðureldum nú um áramótin

30.12.2021. Nú líður að lokum ársins 2021.

Einstaklega þurrt er nú á suðvesturhorninu og gróður mjög þurr. Lítið þarf því til að koma af stað gróðureldum sem getur valdið mikilli eyðileggingu á gróðri, dýralífi og jafnvel sett menn og mannvirki í hættu.
Brunavarnir Árnessýslu vilja því árétta að fólk sýni ýtrustu varkárni nú um áramótin við notkun á flugeldum og meðferð elds.

Hafa þarf í huga að skjóta ekki upp flugeldum á stöðum þar sem hætta er á að glóð /eldur geti farið í gróður og kveikt gróðurelda.

Nauðsynlegt er að hafa við hendina slökkvitæki, garðslöngu, eða vatnsfötur með vatni við notkun flugelda ef eldur fer í gróður.

Ef upp kemur eldur, hringið strax í 112 og gerið öðrum á svæðinu viðvart um hættuna
Förum varlega því lítill neisti getur orðið að miklu báli.

Brunavarnir Árnessýslu óska landsmönnum öllum gleðilegs árs.

Sjá nánar á grodureldar.is

Forvarnarverkefnið Logi og Glóð

Tilkynning frá slökkviliðsstjórum í Árnessýslu og Rangárvallasýslu.

Slökkviliðsstjórar Brunavarna Árnessýslu og Brunavarna Rangárvallasýslu hafa tekið þá sameiginlegu ákvörðun að banna meðferð opins elds vegna þurrkatíðar sem nú geisar. Slökkviliðsstjórarnir hafa sammælst um að slíkt bann sé nauðsynlegt þar sem mikil eldhætta getur skapast af litlum neista.

Bann þetta er í samræmi við reglugerð nr. 325/2016 um meðferð elds og varnir gegn gróðureldum.

26. gr.

Afturköllun leyfis.

Sýslumanni er heimilt að afturkalla leyfi sem veitt eru skv. reglugerð þessari ef skilyrðum í leyfi er ekki fylgt eða ef upp koma þær aðstæður að hætta er talin geta stafað af leyfðri brennu.

Slökkviliðsstjóri getur stöðvað leyfða sinubrennu, eða að kveikt sé í bálkesti, og bannað meðferð opins elds sé það talið viðsjárvert vegna veðurs eða af öðrum öryggisástæðum.

Bann þetta tekur gildi 11.5.2021 kl. 13:00 og á við um Árnessýslu og Rangárvallasýslu.

16.12.2020. Eldvarnarátak 2020

Á meðfylgjandi myndum má sjá Guðmund, deildarstjóra forvarnardeildar, annars vegar í beinni útsendingu að segja börnunum frá eldvörnum og hins vegar að afhenda Birgi Edwald, skólastjóra Sunnulækjarskóla, merkta sundpoka með bókinni um Loga og Glóð og fleiri glaðningum sem allir 3. bekkingar fengu.

Að auki fengu allir skólar afhent endurskinsmerki til að gefa öllum nemendum skólanna og vonandi nýtast þau vel í skammdeginu.