Brunavörnum Árnessýslu bárust boð um að eldur væri í bifreið á Eyrarbakka rétt eftir klukkan sex í morgun. Talsverður viðbúnaður var viðhafður þar sem bifreiðin var upp við bensíndælu á bensínstöð.

Fyrstu aðilar á vettvang slógu verulega á eldinn með duft slökkvitækjum en eftir að dælubifreið frá Brunavörnum Árnessýslu kom á vettvang gekk slökkvistarf greiðlega.

Talið er að kviknað hafi í bifreiðinni út frá vélbúnaði.

Farið yfir rétt viðbrögð við vá á heimilinum með börnunum ykkar.

Hvernig er hægt að hringja úr farsíma?
Hver eru rétt viðbrögð ef reyksskynjari fer í gang?
Hvernig eiga börnin að fara út. A og B áætlun?
Hvar eiga heimilismenn að hittast eftir að hafa rýmt húsið? (söfnunarsvæði)

Hægt er að gera einfaldar æfingar með krökkunum þar sem þau eru til dæmis blinduð og eiga að rata út, æfing sem er gerð að leik og upplifun skemmtileg. Skoðið allar flóttaleiðir saman, aðalinngangur, þvottahús, svalahurð og glugga í herbergjum sem dæmi.

Kveðja Haukur Grönli varaslökkviliðsstjóri Brunavarna Árnessýslu