Brunavörnum Árnessýslu bárust boð um að eldur væri í spenni í Nesjavallavirkjun laust eftir klukkan tíu í morgun. Talsvert viðbragð var viðhaft vegna útkallsins en mikið getur verið í húfi ef upp kemur eldur í mannvirkjum sem þessu.

Betur fór en á horfðist og höfðu starfsmenn Orku Náttúrunnar ráðið niðurlögum eldsins áður en slökkviliðsmenn Brunavarna Árnessýslu komu á staðinn.

Slökkviliðsmenn gengu úr skugga um að ekki væri hætta á að eldurinn tæki sig upp aftur en hurfu svo á braut.

Tjón er minniháttar miðað við aðstæður og virðist einungis spennirinn vera skemmdur eftir brunann.

29.07.2019  Harður árekstur við gatnamót Eyrarbakkavegar og Gaulverjabæjarvegar laugardaginn

Brunavarnir Árnessýslu voru með fyrirlestur á kynningafundi um gróðurelda sem haldin var hjá Verkís.

Verkís stóð fyrir kynningarfundi um gróðurelda, varnir og viðbrögð.

Fundurinn var liður í vitundarvakningu sem unnið hefur verið að á undanförnum árum á vegum Skógræktarinnar, Brunavarna Árnessýslu, Mannvirkjastofnunar, Landssambands sumarhúsaeigenda, Félags slökkviliðsstjóra, Landssamtaka skógareigenda og Verkís.

Góð mæting var á viðburðinn og nokkuð ljóst að áhuginn er mikill á þessum mála flokki.
Boðið var upp á spurningar í lokinn og skapaðist góð umræða.
Við hjá Brunavörnum Árnessýslu þökkum fyrir okkur

29.07.2019  Harður árekstur við gatnamót Eyrarbakkavegar og Gaulverjabæjarvegar laugardaginn

Brunavörnum Árnessýslu bárust tvö útköll í nótt.

Það fyrra barst um klukkan 02:00 þar sem innhringjandi hafði tilkynnt til Neyðarlínu 112 um brunalykt á Selfossi en tilkynnandi áttaði sig ekki á hvaðan brunalyktin kæmi. Slökkvilið og lögregla leituðu af sér allan grun með akstri um bæinn en ekkert fannst. Talið er líklegast að þarna hafi veri um lykt frá HP kökugerð að ræða.

Seinna útkallið barst rétt fyrir klukkan 06:00. Þá var tilkynnt um þjónustuhús í ljósum logum á tjaldstæði í Þorlákshöfn. Slökkviliðsmenn Brunavarna Árnessýslu frá Þorlákshöfn voru fljótir á staðinn og tókst að ráða niðurlögum eldsins á skammri stund enda var um lítið hús að ræða. Húsið er hins vegar gjör ónýtt og næsta hús við hliðina er mikið skemmt eins og sjá má á meðfylgjandi myndum.

Í byrjun apríl síðastliðnum stóðu Brunavarnir Árnessýslu fyrir námskeiðinu “sjö spora kerfið” sem er námskeið að Sænskir fyrirmynd um nýjar áherslur í stjórnun viðbragðsaðila og þá sérstaklega vettvangsstjóra slökkviliða.

Ekki er hér um neinn nýjan sannleika að ræða heldur er búið að setja hlutina upp á nýjan hátt með nýjum áherslum og framkvæmdaröð ákvarðana hefur verið skilgreind frekar.

Tveir leiðbeinendur komu til okkar frá slökkviliðinu í Bergen þeir Hans Petter Nilsen og Frank Åsveit, en gott samstarf hefur verið á milli Brunavarna Árnessýslu og slökkviliðsins í Bergen á undanförnum árum. Báðir starfa þeir sem aðalvarstjórar og hafa áratuga reynslu í bæði vinnu og stjórnun á úkallsvettvöngum.

Nokkrir varðstjórar frá Brunavörnum Árnessýslu höfðu á dögunum fyrir námskeiðið fengið leiðbeinenda kennslu hjá Norðmönnunum til þess að geta tekið þátt í kennslunni á námskeiðinu. Námskeiðið var síðan sett þannig upp að eftir að farið hafði verið yfir fræðin bóklega var hópnum skipt upp í einingar líkt og uppröðun manna í slökkvibílum er. Síðan voru í keyrðar útkallsæfingar aftur og aftur þar sem áhersluatriðin voru notuð í ímyndaðri ferð þeirra á útkallsvettvang.

Stjórnendur slökkviliða víðsvegar af landinu sóttu námskeiðið og gaman er að sjá hversu áhugasamir menn eru um að afla sér nýrrar þekkingar og dusta rykið af þeirri sem áður hefur verði aflað.

Birgir Finnsson varaslökkviliðsstjóri Slökkviliðs höfuðborgarsvæðisins sat námskeiði en hann þekkir persónulega Svíana sem þróuðu aðferðina og skrifuðu Sænsku kennslubókina. Birgir hafði kynnt sér þessa stjórnunarnálgun vel fyrir námskeiðið og var að sögn mjög sáttur með þá útfærslu sem Norðmennirnir útfærðu fyrir námskeiðsmenn.

Alltaf er virkilega gaman þegar svona vel tekst til og spennandi verður að sjá hvaða námskeið boðið verður uppá að ári liðnu í samstarfi við Bergenana.